MARAPORUL

അദൈ്വതവേദാന്തത്തിന്റെ പരമാചാര്യന്‍, വശ്യ വചസ്സായ കവി, സര്‍വ്വജ്ഞപീഠം കയറിയ മഹാ പണ്ഡിതന്‍, സര്‍വ്വസംഗപരിത്യാഗിയായ സന്ന്യാസി വിശേഷണങ്ങള്‍ക്കതീതനായ ശങ്കരാചാര്യരെ കേന്ദ്രകഥാപാത്രമാക്കുന്ന ആഖ്യാനം. കല്പിത കഥകളും ഐതിഹ്യങ്ങളും കുപ്രചരണങ്ങളും ചേര്‍ന്നൊരുക്കിയ പുകമറയ്ക്കുള്ളില്‍നിന്നും യഥാര്‍ത്ഥ ശങ്കരനെ കണ്ടെത്താനൊരു ശ്രമ മാകുന്നു ഈ കൃതി. കാലടിയില്‍നിന്നും കാശ്മീര ത്തിലേക്കുള്ള ജ്ഞാനസഞ്ചാരത്തിന്റെ പാതയിലൂടെ, ഭാഷ്യരചനകളുടെ പദാവലികള്‍ക്കുള്ളിലൂടെ, സ്‌തോത്രകാവ്യങ്ങളിലെ അര്‍ത്ഥഗര്‍ഭമായ പ്രയോഗങ്ങളിലൂടെ, ശിഷ്യപ്രതിഭകളുടെ വാഴ്ത്തലുകളിലൂടെ, സംവാദങ്ങളുടെ വാഗ് ധോരണികളിലൂടെ പൊരുള്‍ വിടരുന്ന ശങ്കരന്‍. മലയാളത്തിലെ ജീവചരിത്രനോവലുകളില്‍ വേറിട്ടൊരു രചനയാകുന്നു മറപൊരുള്‍.