Athijeevanathinte Pravasakalam

മലയാളികളുടെ പ്രവാസത്തിന് വർഷങ്ങളുടെ പഴക്കമുണ്ട്. ജീവിതം കരുപിടിപ്പിക്കാൻ വേണ്ടി അതിസാഹസമായി മരുഭൂമിയിലെത്തിയ അവന്റെ ജീവിത പോരാട്ടങ്ങളെക്കുറിച്ച് എത്ര എഴുതിയാലും തീരില്ല. ആ ജീവിത സമരങ്ങളിൽ വിജയിച്ചവരും തോറ്റവരുമുണ്ട്. പക്ഷേ, പ്രവാസ ചരിത്രമെഴുതുമ്പോൾ ജയിച്ചവന്റെ വീരേതിഹാസങ്ങളാണ് നാം ഏടുകളിൽ കുറിച്ചിടുന്നത്. തോറ്റവർ വിസ്മൃതിയിൽ താഴ്ന്നുപോകുന്നു. ഈ പുസ്തകം ഒരു പ്രവാസിയുടെ ജീവിതത്തിന്റെ കയ്പും മധുരവും വായനക്കാരുമായി പങ്കിടുന്നതാണ്. ഒരു നോവൽ വായിക്കുന്ന സൗകുമാര്യത്തോടെ സമീപിക്കാവുന്ന ഒന്ന്. ഇതിൽ ചരിത്രവും, രാഷ്ട്രീയവും, മനുഷ്യ സംഘർഷങ്ങളും നിഷ്കളങ്കതയോടെ ഒരു എഴുത്തുകാരൻ കുറിച്ചിടുന്നു.